Jarðaber í sparifötum
Einföld og skemmtileg hugmynd sem flestallir elska! Þetta klárast allavega alltaf hvert sem ég geri . Tilvalið við flest öll tækifæri eða sem eftirréttur án þess að vera með of mikið samviskubit.
Hráefni:
Jarðaber
Súkkulaði
Hvítt súkkulaði
Aðferð:
Skolið og þurrkið jarðaberin mjög vel, þau mega alls ekki vera rök.
Bræðið suðursúkkulaði yfir vatnsbaði eða örbylgjuofni.
Dýfið jarðaberjunum eins langt og þið viljið í súkkulaðið og hristið aðeins af áður en þið flytjið yfir á bökunarpappír- leyfið að storkna (hægt að hafa bökunarpappírinn á bretti sem er flutt inn í ísskáp til að flýta fyrir.
Bræðið hvítt súkkulaði í vatnsbaði/örbylgjuofni og setjið í brúsa með litlu gati (einnig hægt að nota zip-lock poka og klippa gat á endann.
Rennið hvítu súkkulaðibununni fram og aftur eftir hverju jarðaberi- leyfið að storkna að nýju.
Elín Rún Sizemore
Íbúi á Eskifirði. Rafvirki og meistaranemi hjá Háskóla Íslands í heilsueflingu - og heimilisfræði.
